جمهور الأهلي للاعبيه : إلعب يا أهلي ودوس علي الوش.. مفيش معلش

21 فبراير، 2020 | بتوقيت 3:10 م

كتب: محمد أبو رشوان

حالة من الغضب الشديد تسود بين جماهير الأهلى على إثر الأحداث التى شهدها ملعب محمد بن زايد بالإمارات عقب إنتهاء مباراة السوبر المصرى وتوج الزمالك بالكأس، خاصة من بعض لاعبى الزمالك وانتشرت على نطاق واسع على مواقع التواصل الاجتماعى واستفزت مشاعر الملايين من جمهور الاهلى الذى طالب لاعبي فريقه بالفوز على الزمالك فى لقاء الدورى العام يوم الاثنين القادم ، وقد كتبوا  على  جروب اكثر انشارا بين جماهير القلعة الحمراء

” كنتوا رجالة علي مدار 90 دقيقة، باستثناء اللمسة الأخيرة كنتوا تقدروا تكسبوا 2 و3 ويمكن اكتر لكنه خير .. راضيين عما قدمتوه بالأمس بنسبة تفوق ال90% مع بعض الهفوات البسيطة ان شاء الله قادرين علي تداركها

يوم الاتنين الجاي عندكم ماتش مع نفس الفريق، الفريق اللي ضربات الحظ عملت منه بطل علي حسابكم .. اه ماتش ب3 نقط لا هيقدم ولا هيأخر في دوري بناخده بالأشبال، لكن احنا مش عايزين ال3 نقط .. احنا عايزين نشوفهم مذلولين تحت رجلكم علي ارض الملعب، عايزين نشوفهم لاحسين النجيلة بالمعني الحرفي.. اكسبوهم كورة مش بلطجة لإنكم مش زيهم .. ادهسوهم، عرفوهم حجمهم اللي نسيوه “

الوسوم
إغلاق