محمد رمضان:”الوعي قبل السعي”

9 سبتمبر، 2020 | بتوقيت 4:12 م

كتب: أنغام الجنايني

أوضح الفنان محمد رمضان خلال لقائه مع برنامج “MBC Trending”: “كل ما بنزل فيديو بدرسه، كل خطوة في حياتي، الوعي قبل السعي، قبل ما باخد خطوة تبدو هذه الخطوة من وجهة نظر البعض أنها طائشة أو غير مدروسة، ولكن أنا ببقى دارسها بشكل كبير، أنا فاهم مهنتي كويس جدًا”.

وتابع أنه لا يغضب من الجمهور الذي يتحدث دائمًا عن النعم التي لديه، مُضيفًا: “والله بص هي دي علاقة بيحددها النجم بينه وبين جمهوره، يعني في نجم بيحب يفصل علاقته مع جمهوره ويظهر الجانب المهني، ولكن في نجم تاني بيبقى عايز جمهوره يشوف وتعرف كل حاجة عن حياته وأنا بنتمي للمدرسة دي”.

واستكمل: “هذه العلاقة في البداية بيتم نفرها، لأنك مش شبه اللي حواليك، أنت مختلف عنه، متقولش بتاخد كام عشان الضرائب، ابني شافوه يوم ولادته، وأي حاجه بعملها الجمهور بيشوفها، دي علاقة مستمرة بيني وبين جمهوري، لحظة انصراف الجمهور عني ثق إن أنا السبب”.

كيف يواجه محمد رمضان الانتقادات التي يتعرض لها؟

كيف يواجه محمد رمضان الانتقادات التي يتعرض لها؟#MBC4#MBCTRENDING

Gepostet von MBCTrending am Mittwoch, 9. September 2020

كما كشف رمضان أن لديه “قائمة سوداء” يضع فيها المسيئين له: “الجمهور يفعل ما يشاء أي كومنت من الجمهور سلبي أو إيجابي أنا بتقبله، لو سلبي بدرس سيكولوجية الناس وافهمه، أنا مش من النوع اللي بيعمل بلوك لو الجمهور نقدني مرة بفضل وراه لحد ما اشوفه كاتب عني حلو مرة تانية”.

وأردف: “لما جبت اللامبورجيني والفيراري الناس حست إن ايه ده محمد رمضان نفس ذوقنا وناس تانية قالت بيستفزنا، قبل ما يتكلموا عن موضوع العربيات كنت مقدم ورقي في الجيش وخدمت سنتين في جيش مصر العظيم، ورجعوا قالوا ده كويس مهربش من الجيش”.

الوسوم
إغلاق